.png)
Fotot e Shërbimi Kombëtar të Motit në SHBA dhe autoritetet lokale tregojnë majën e mbuluar me borë të Malit Rainier dhe borën në Minaret Vista, një pikë në Sierra Nevada në jugperëndim të Parkut Kombëtar Yosemite që ka pamje nga Kalifornia.
Më shumë borë raportohet se ka në Kaliforni përgjatë kreshtave të Sierra Nevadas, kryesisht rreth Qafës Tioga dhe kufijve më të lartë të Yosemiteve, tha Shërbimi i Motit i SHBA.
Tioga është 3017 metra mbi nivelin e detit dhe është hyrja lindore në Yosemite. Por, aty nuk lejohet të hyhet në shumicën e kohës për shkak të borës, e cila kërkon një deri në dy muaj për t’u pastruar.
Qendrat e skijimit e mirëpresin këtë njoftim të hershëm të kushteve të dimrit, edhe pse sezoni i skive është të paktën disa muaj larg.
“Kushtet anormalisht të ftohta” parashikohet të përhapen në pjesën më të madhe të Perëndimit Amerikan të dielën në mëngjes.
Mirëpo, me ardhjen e një fronti kaq të ftohtë, bien edhe erëra të forta, ndaj është paralajmëruar edhe për zjarre të mundshme.
Një paralajmërim për përmbytje u dha gjithashtu në zonën e djegur pranë qytetit të Chicos në shpatet perëndimore të Sierra Nevadas.
Zjarri në zonë ishte më i madhi që goditi Kaliforninë këtë vit, duke konsumuar 1748 kilometra katrorë pyll dhe bimësi gjatë gjysmës së dytë të korrikut. Ishte i katërti më i madhi ndonjëherë që goditi këtë shtet amerikan.
Kështu, pas përfundimit të valës së ftohtë, vapa e verës parashikohet të rikthehet. /cnbc
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
