.png)
Partia Demokratike kërkon hetim për ngjarjet që pushtuan Shëngjinin në fillim të javës.
“Nuk është hera e parë që përballemi me situata të tilla. Tërmeti nxori në pah paaftësinë e qeverisë për të menaxhuar emergjencat; përmbytjet në Shkodër, po ashtu.
Institucionet e drejtësisë duhet të hetojnë çfare është bërë me fondet per Forcat e Armatosura, si është gjendja e tyre; a kemi specialistë; a i plotësojmë ne standardet dhe kriteret e NATO-s? Ku janë institucionet e drejtësisë së re kur Shqipëria digjet si rrjedhojë e abuzimeve te pushtetit?
Fshehja e kësaj situate përben cenim te sigurisë kombëtare.
Partia Demokratike kërkon hetim të menjëhershëm të gjendjes së Forcave të Armatosura, mbledhjen e Këshillit te Sigurisë dhe vënien ne funksion, në bashkëpunim me aleatët tanë, të strategjisë për një plan mbrojtjeje, me qëllim rikthimin e normalitetit në Shqipëri.
U bëjmë thirrje qytetarëve të kenë kujdes. Ndërkohë që u ruhemi zjarreve në Shëngjin, Mirditë e Vlorë, mos harroni zjarrin e vjedhjeve me 5D në Tiranë. Bëhuni bashkë nesër, të mos e lëmë Rilindjen t’i vërë zjarrin Shqipërisë.
Nesër ora 11.00 para Bashkisë”, tha koordinatori rajonal për Tiranën Klevis Balliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
