.png)
Ceremonia e hapjes së Lojërave Olimpike të Parisit përfundoi me një moment prekës teksa Celine Dion, e cila vuan nga një çrregullim i rrallë neurologjik, u rikthye pas katër vitesh mungese.
Ylli 56-vjeçar performoi “Hymne à L’Amour” të legjendarit Edith Piaf në Kullën Eiffel, me fansat nga e gjithë bota që e adhuruan performancën e saj në rrjetet sociale. Në dhjetor 2020, Celine Dion u diagnostikua me Sindromën e Personit të ngurtë, një çrregullim neurologjik i rrallë dhe kronik që shkakton ngurtësi muskulore dhe ndonjëherë konvulsione të rënda, dhe u detyrua të ndalonte shfaqjet e saj live, e fundit prej të cilave daton në pranverën e vitit 2020 në Nju Jork.
Celine Dion #Paris2024 #Olympics #Olympic2024 pic.twitter.com/3f8Pm0qqrE
— Celine Dion Icon (@celinedionlcon) July 26, 2024
Dion kishte performuar “The Power of the Dream” në Ceremoninë e Hapjes në Atlanta në vitin 1996, dhe thashethemet për një rikthim në Lojërat Olimpike janë përhapur që kur ajo u shfaq në kopertinën e “Vogue” francez në prill.
“Dua të jem vetvetja ime më e mirë. Dua të shoh përsëri Kullën Eifel”, ka theksuar ajo në atë kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
