Rriten temperaturat, fundjava me mot të qëndrueshëm

Dita e sotme do jetë me kthjellime dhe vranësira të lehta. Ndërkohë, njësoj do jetë edhe fundjava.

E shtuna mbetet nën mbizotërimin e motit të qëndrueshëm përgjatë 24 orëshit, duke bërë që të kemi dominim të kthjellimeve gjatë paradites, kalime të lehta vranësirash më të dukshme në pjesën e dytë te ditës por nuk priten reshje. Sa i përket temperaturave të ajrit, mesdita do të sjellë rritje me 2 gradë, duke bërë që maksimumet në rang territori të regjistrohen edhe në vlerën 35 gradë celcius në qarqet e Elbasanit, Fierit dhe Beratit. Do të vijojë rritja e temperaturave edhe të dielën duke bërë që maksimumet të jenë në vlerën 36 gradë apo lehtësisht të tejkalohet edhe kjo vlerë. Do të kemi rritje të temperaturave edhe në orët e para të mëngjesit duke bërë që vlerat minimale në qytetet e zonave malore të jenë 14 gradë. E diela do të sjellë dominim të kthjellimeve dhe kalimeve të lehta të vranësirave, të cilat do të jenë prezente në zonat malore.