.png)
Nga Gazeta 'Si'-Ujëvara e famshme Yuntai në Kinë është një atraksion i madh për turistët nga Kina, dhe sa herë që dikush viziton provincën Henan të Kinës, është një ritual për të vizituar këtë ujëvarë. Por uji nga ujëvara më e lartë në Kinë del nga një tub!
Sipas vlerësimeve të turistëve, ujëvara renditet lart në listën e atraksioneve turistike. Ministria e Turizmit të Kinës i dha vlerësimin më të lartë.
Mirëpo, burimi i ujit u vu nën vëzhgimin e publikut, kur një vizitor postoi një video në rrjetet sociale që tregon qartë tubin që furnizon me ujë ujëvarat 314 metra të larta, gjë që lë të kuptohet se nuk është tamam një bukuri natyrore.
Menaxhmenti i Parkut Malor Yuntai shpjegoi se ndryshimet u shkaktuan nga sezoni i thatë në zonë, kështu që tubi që mbush ujëvarën me ujë ishte një zgjidhje e pashmangshme.
Edhe menaxhmenti i parkut shprehu mirënjohjen e tij për vëmendjen, duke premtuar se ujëvara do të mirëpresë mysafirët në “formën e saj më të përsosur dhe natyrale” këtë verë.
Yuntai nuk është ujëvara e parë në Kinë që ka nevojë për “ndihmë shtesë gjatë sezonit të thatë”, kur ka më pak reshje.Ujëvara Huanguoshu, e vendosur në provincën Guizhou jugperëndimore të Kinës, gjithashtu pësoi gjatë sezonit të thatë.
Në vitin 2004 u ndërtua një digë për të siguruar hyrjen e ujit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
