.png)
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk./REL/
Polonia thotë se Bjellorusia fqinje dhe mbështetësi i saj kryesor, Rusia, qëndrojnë pas rritjes së fluksit të emigrantëve nga Bjellorusia drejt Bashkimit Evropian, një lëvizje kjo për të krijuar një krizë.
Numri i tentimeve për kalime të paligjshme të kufirit nga Bjellorusia në Poloninë anëtare të BE-së, është rritur në muajt e fundit në pothuajse 400 në ditë nga vetëm disa të tillë ditë më parë këtë vit, thonë zyrtarët polakë.
“Ne nuk kemi të bëjmë me asnjë azilkërkues këtu, kemi të bëjmë me një operacion të koordinuar, shumë efikas në shumë nivele për ta thyer kufirin polak dhe me përpjekje për të destabilizuar vendin”, tha Tusk.
Polonia ka rifutur një zonë neutrale prej 200 metra pas sulmit ndaj ushtarit në kufi dhe tha se do të përdorë “të gjitha mjetet në dispozicion” për të mbrojtur kufirin e vendit të NATO-s.
Rreth 2.000 emigrantë ishin në kufi në kampet e improvizuara në mot me ngrica, por vetëm rreth 100 besohej se ishin të përfshirë në sulmin ndaj forcave polake në vendkalim, tha zëdhënësja e Gardës Kufitare, Anna Michalska.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje