.png)
Galaktika më e largët e njohur deri tani është kapur në një imazh rekord nga teleskopi hapësinor “James Webb”.
Galaktika, e quajtur JADES-GS-z14-0, u zbulua pasi ishte vetëm 290 milionë vjet pas shpërthimit të madh, në agimin e Universit. Mbajtësi i mëparshëm i rekordit të teleskopit ishte një galaktikë e parë në 325 milionë vjet pas shpërthimit të madh, i cili ndodhi gati 14 miliardë vjet më parë.
Galaktika e sapo vëzhguar është shumë më e shndritshme se sa pritej, duke sugjeruar se brezi i parë i yjeve ishte ose më i shkëlqyeshëm ose u formua shumë më shpejt se sa kanë parashikuar teoritë konvencionale kozmologjike.
“Universi në këto faza të hershme ishte ndryshe nga sa është sot”, tha Dr Francesco D’Eugenio, nga Universiteti i Kembrixhit, pjesëtar i ekipit që qëndron pas zbulimit. “Galaktikat e hershme - kjo është më e largëta e gjetur, por ka të tjera - duket se janë më të ndritshme se sa pritej nga modelet”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
