.png)
Nga Gazeta ‘SI’ – Shqipëria mban vendin e fundit në Europë për të Prodhimin e Brendshëm Bruto për Frymë.
Matjet e Eurostat i referohen vitit 2022 dhe PBB për frymë për Shqipërinë është sa 34% e mesatares europiane, 100%.
Në të njëjtin raport, Eurostat analizon edhe konsumin individual për frymë, AIC, që mat fuqinë blerëse sipas vendeve, ku përsëri Shqipëria është e fundit, me 41% të mesatares europiane, 100%.
Në krahasim me rajoni, në të dy treguesit Mali i Zi rezulton në nivele më të mira. Kosova nuk është e përfshirë në matje.
Luksemburgu mban vendin e parë për PBB-në dhe konsumin për frymë, në nivelet respektive, 255% dhe 140%.
Sipas shpjegimit të Eurostat, PBB për frymë tregon mirëqenien ekonomike të vendeve, konsumi për frymë është më i dobishëm për krahasimin e mirëqenies relative të konsumatorëve në vende të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
