.png)
Qarkullimi i masave ajrore nga veriu i Europës do të bëjë që territori shqiptar të dominohet nga vranësira të shpeshta duke rrezikuar reshje shiu në të gjithë territorin si edhe reshje dëbore në zonat malore të Shqipërisë.
Parashikohet që orët e pasdites të vijojnë më kthjellime të shkurtra dhe vranësira të dendura në të gjithë territorin, por më të fokusuara do të jenë në zonat malore përgjatë shtrirjes Lindore duke rrezikuar reshje të dobëta shiu e dëbore.
Temperaturat e ajrit do të pësojnë rënie në vlerat minimale, por ulen ndjeshëm edhe në mesditë duke luhatur vlerat ditore nga -1°C vlera minimale në Pukë deri në 20°C vlera maksimale e cila pritet në qytetin e Elbasanit.
Era do të fryjë mesatare në tokë dhe në det duke arritur shpejtësinë 45 km/h nga drejtimi veriperëndimor; për pasojë në brigjet detare do të gjenerohet dallgëzim 3 ballë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
