.png)
Nga Gazeta ‘Si’ – Tri subjektet opozitare në Kosovë, PDK, LDK dhe AAK kanë shprehur gatishmërinë për të shkuar në zgjedhje të reja parlamentare.
Shefi i Grupit Parlamentar të PDK-së, Abelard Tahiri para mediave tha se qeveria Kurti duhet të ndërpresë mandatin, pasi sipas tij, po punon vetëm në dëm të interesave të qytetarëve.
“PDK që nga qershori i vitit 2023 nuk voton asgjë në Kuvend për një arsye të vetme sepse kërkojmë t’ia ndërpresim mandatin kësaj qeverie, që është kthyer në dëm të interesave të qytetarëve. Kosovës i është ndalë ora ndërkombëtare. PDK nga qershori i vitit të shkuar kërkon zgjedhje. Jemi të gatshëm t’ia shkurtojmë jetën kësaj qeverie”, tha ai.
Të gatshëm për zgjedhje u shprehën edhe nga Lidhja Demokratike e Kosovës.
Shefi i Grupit Parlamentar të LDK-së, Arben Gashi tha se partia e tij është e gatshme çdo herë për zgjedhje.
“Sa i përket zgjedhjeve, LDK është partia më serioze në Kosovë dhe jemi të gatshëm kurdo që të mbahen zgjedhjet të marrim pjesë”, deklaroi ai.
Ndërsa, shefi i Grupit Parlamentar i AAK-së, Besnik Tahiri, theksoi se zgjedhjet do të mund të shpallen në mesin e gushtit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
