Të luash një instrument muzikor ose të këndosh mund të ndihmojë në mbajtjen e trurit të shëndetshëm në moshë të madhe, sugjerojnë studiuesit në Britani.
Në raportin e tyre, të botuar në International Journal of Geriatric Psychiatry, studiuesit thonë se muzika duhet të konsiderohet si një mënyrë për të pasur një stil jetese të shëndetshme dhe për të ruajtur trurin.
“Muzika mund të ndihmojë në ruajtjen e kujtesës së mirë dhe aftësisë për të zgjidhur detyra komplekse”, thonë studiuesit.
Në studim u morën më shumë se 1100 njerëz me një moshë mesatare 68 vjeç.
Shkencëtarët në Universitetin e Exeter vëzhguan të dhënat e funksionit të trurit si pjesë e një studimi më të gjerë që ka gjetur se si truri plaket dhe pse njerëzit zhvillojnë demencë.
Ata shikuan efektet e luajtjes së një instrumenti, këndimit, leximit dhe dëgjimit të muzikës dhe aftësisë muzikore.
Studiuesit krahasuan të dhënat njohëse të atyre në studim që u angazhuan në muzikë në një farë mënyre në jetën e tyre, me ata që nuk e kishin bërë kurrë këtë.
Rezultatet e tyre treguan se njerëzit që luanin instrumente muzikore përfituan më shumë, gjë që mund të jetë për shkak të “kërkesave të shumta njohëse” të aktivitetit.
Luajtja e pianos dukej të ishte veçanërisht e dobishme, ndërkohë që edhe instrumentet frymorë prej druri ishin gjithashtu të mira.
Thjesht dëgjimi i muzikës nuk dukej se ndihmonte shëndetin kognitiv.
Përfitimi i parë me të kënduarit mund të jetë pjesërisht për shkak të aspekteve të njohura sociale të të qenit në një kor ose grup, thonë studiuesit.
“Për shkak se ne kemi teste kaq të ndjeshme të trurit për këtë studim, ne jemi në gjendje të shikojmë aspekte individuale të funksionit të trurit, të tilla si kujtesa afatshkurtër, kujtesa afatgjatë dhe zgjidhja e problemeve dhe se si ndikon muzika”, thotë autorja Anne Corbett, duke shtuar se në mënyrë të veçantë, luajtja e një instrumenti ka një efekt veçanërisht të madh dhe njerëzit që vazhdojnë të luajnë në moshë më të madhe panë një përfitim shtesë.
Studiuesit nuk testuan përfitimet e mundshme që mund të ketë marrja me muzikë vonë por Corbett tha se ajo besonte, bazuar në provat aktuale, do të ishte “shumë e dobishme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
