.png)
Gazeta Si – Faslli Qibini me origjinë shqiptare, është arrestuar në Napoli, pasi ishte shpallur në kërkim si koordinator i trafikut të drogës në linjën Shqipëri-Greqi-Turqi-Itali.
Mediat italiane raportojnë se 64-vjeçari është dënuar me mbi 22 vite burg për trafik ndërkombëtar droge, krim për të cilin ishte në kërkim.
Sipas hetuesve, ai menaxhonte dhe ndërmjetësonte trafikun e heroinës midis Shqipërisë, Greqisë, Turqisë dhe Italisë Jugore, ku bënte biznes me klanin Di Lauro dhe më pas me “Nardielli”, një grup kriminal nga pala Oplontine.
Ai ishte protagonist i një periudhe të gjatë fshehjeje, pasi në prill të vitit 2011, kur në ishte “arrest shtëpie” u arratis dhe u zhduk pa lënë gjurmë.
Pa asnjë hap të gabuar, larg vëmendjes mediatike, agjentët në Napoli e kërkuan për më shumë se 12 vjet, deri të premten pasdite, kur Qibini po ecte përgjatë Corso Secondigliano pa e ditur se ishte i rrethuar.
Nuk ishte rastësi prangosja e tij, por një monitorim skrupuloz i zakoneve të familjes së tij, rezultoi vendimtar.
Ndoshta larg Italisë, 64-vjeçari nuk hoqi dorë nga festat e Krishtlindjeve për të përqafuar sërish gruan dhe djalin.
Ai ishte i kujdesshëm të shmangte rrugët dhe të shihej përreth, por rritja e dukshme e vëllimit të shpenzimeve familjare e ktheu vëmendjen e policisë mbi të.
Gjatë pushimeve, gruaja dhe djali i tij nuk kanë munguar të ndalojnë në dyqane duhani për të blerë cigare.
Problemi është se familjarët e Qibinit nuk ishin duhanpirës. Kështu, policia intensifikoi vëzhgimet e tyre dhe patrulloi lagjen me vëmendje gjithnjë e më të madhe.
Më pas, Qibini mendoi të blinte cigare vetë. Policia e rrethoi dhe e arrestoi. Tani ai ndodhet në burgun Secondigliano në Napoli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
