Festivali Folklorik Kombëtar ka vijuar edhe mbrëmjen e së martës në skenën e hapur në Kalanë e Argjirosë.
Mbrëmjen e djeshme janë ngjitur në skenë grupet e qarkut të Korçës dhe të Durrësit.
Rreth 60 bartës të folklorit nga të gjitha bashkitë e qarkut të Korçës u bënë pjesë e festës më të madhe të folklorit shqiptar.
Ndërkohë janë ngjitur në skenë edhe grupet e qarkut të Durrësit.
“Përfaqësim mbresëlënës i grupit të Durrësit në Festivalin Folklorik Kombëtar të Gjirokastrës. Grupet nga Durrësi shfaqën vlerat më të bukura kulturore e folklorike të trevës sonë përpara artdashësve të shumtë në një atmosferë magjike në kalanë e Gjirokastrës”, shkruan kryebashkiakja e Durrësit, Emirjana Sako në rrjetet sociale.
Festivali Folklorik Kombëtar është një ndër eventet më të rëndësishme kulturore të vendit tonë që shpalos folklorin mbarëkombëtar, trashëgiminë shpirtërore, etnomuzikore e etnografike nga të gjitha trevat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.