Kryeministri i Hungarisë, Viktor Orban ka përshëndetur vendimin për lirimin e tre policëve të Kosovës që ishin arrestuar nga forcat serbe me 14 qershor.
Orban përmes një postimi në Twitter, ka thënë se presidenti serb Aleksandar Vuçiç, e ka informuar për lirimin e tre policëve.
“Presidenti serb, Aleksandar Vuçiç sapo më njoftoi se në përputhje me kërkesën e bërë në takimin tonë javën e kaluar, autoritetet serbe së shpejti do t’i lirojnë nga paraburgimi tre policët e Kosovës të arrestuar më parë. E vlerësojmë shumë hapin e presidentit Vuçiç”, ka thënë ai.
Tre policët e Kosovës ishin arrestuar më 14 qershor brenda territorit të Kosovës nga forcat serbe. Sot ata kanë dalë para trupit gjykuese në Kralevë, ku edhe është marrë vendimi për lirimin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
