Nënsekretarja amerikane e Shtetit për Çështjet Politike, Victoria Nuland ka njoftuar për takimin me emisarin e Bashkimit Europian për dialogun Kosovë-Serbi, Miroslav Lajçak, të cilin e quajti “mik të vjetër”.
Nulanda shkroi në Twitter se i bën thirrje Kosovës dhe Serbisë që t’i ulin tensionet dhe të nisin menjëherë zbatimin e marrëveshjes së fundit për rrugën drejt normalizimit.
Zyrtarja e lartë amerikane tha se e mbështesin planin trepikësh të Bashkimit Europian për mënyrën se si duhet zgjidhur kriza në veri të Kosovës.
“Ne vazhdojmë ta mbështesim planin trepikësh të BE-së si mënyra më e mirë për zgjidhjen e krizës”, shkroi Nuland.
Pleased to welcome old friend EUSR @MiroslavLajcak. We urge Kosovo and Serbia to de-escalate tensions immediately and begin implementing Ohrid commitments. We continue to support the EU three-point plan as the best way to resolve the crisis. pic.twitter.com/ZT4pnaEYYd
— Under Secretary Victoria Nuland (@UnderSecStateP) June 21, 2023
Ditën e djeshme në një diskutim publik për situatën në veri, Lajçak tha se prioriteti i parë është shtensionimi i situatës: “t’i largojmë njerëzit nga rruga dhe t’i kthehemi dialogut”.
“Nëse nuk arrijmë ta shtensionojmë [situatën], do të kemi viktima”, tha ai.
Lajçak tha se takimi për menaxhimin e krizave në Bruksel do të mbahet, pavarësisht deklaratave të liderëve të Kosovës dhe Serbisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
