.png)
Gazeta Si - Një skandal seksual ka ndodhur në ambientet e Bashkisë së Kukësit, ku kryebashkiaku Safet Gjici është filmuar duke kryer marrëdhënie seksuale me një grua në zyrën e tij.
Sipas asaj që duket, video është e gjatë më shumë se dy minuta dhe ajo mban datën 6 qershor 2023. Kamera dyshohet se është vendosur në një objekt të lëvizshëm që dyshohet se është një çantë.
Video është shpërndarë paraditen e kësaj të premteje me shpejtësi përmes whatsapp, por Gazeta "Si", për arsye etike, vendosi të mos e transmetojë.
Pas publikimit të videos erotike, mësohet se SPAK ka nisur hetimet, duke regjistruar kryesisht procedimin penal ndaj kryebashkiakut të Kukësit, Safet Gjici. Nuk dihet ende mbi ç’akuzë SPAK e ka regjistruar këtë procedim penal. Më 14 maj 2023, Safet Gjici mori mandatin e dytë në krye të Bashkisë së Kukësit.
Çështja ndaj kryebashkiakut të Kukësit, aktualisht ka nisur për akuzën e “Shpërdorimit të detyrës”, vepër penale kjo që parashikohet nga neni 248 i Kodit Penal dhe ka një marsh dënimi deri në 7 vite burgim.
Ky është skandali i dytë seksual që ndodh me kryetarët e bashkive të Partisë Socialiste. I pari ishte ai me ish kryebashkiakun e Dibrës, Shukri Xhelili në vitin 2016. Ndryshe nga Gjici, Xhelili shkoi në hotel me vajzën të cilës i kishte premtuar një vend pune.
Ish-kryebashkiaku i Dibrës, Xhelili, u arrestua dhe u dënua më pas me 2 vjet e 8 muaj burgim nën akuzën e “korrupsionit pasiv”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
