Një i porsalindur është ushqyer me gji në Parlamentin italian për të parën herë në historinë e këtij vendi.
Foshnja është djali i deputetëve të Lëvizjes “5 Yjet”, Gilda Sportiello dhe Riçardo Riçiardi.
Federiko i vogël, vetëm dy muajsh, është fëmija i parë që ushqehet me gji pas ndryshimit të rregullores që lejon deputetet nëna të jenë pjesë e Parlamentit me foshnjat e tyre dhe t’i ushqejnë me gji deri kur të bëjnë 1 vjeç.
Për këtë rast u ngrit një hapësirë në rreshtin e fundit të sallës së Parlamentit.
“Është hedhur një hap i rëndësishëm, mbi të gjitha sepse përfaqëson një precedent dhe një mesazh për vendin dhe për të gjitha gratë”, tha Gilda Sportiello pasi të gjithë nxituan ta fotografojnë teksa i jepte gji djalit të saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
