Situata në komunën Zveçan në veri të Kosovës paraqitet e qetë, sipas ekipit të Radio Evropa e Lire që po ndjek nga afër situatën. Aty raportohet për një protestë paqësore, të iniciuara kësaj here nga gratë, që janë të punësuara në sektorin e edukimit.
Serbët lokalë janë duke protestuar rregullisht prej 26 majit në komunat e Zveçanit, Leposaviqit dhe Zubin Potokut, për të kundërshtuar hyrjen e kryetarëve të rinj shqiptarë në ndërtesat komunale.
Faktori ndërkombëtar ka bërë thirrje të vazhdueshme për marrjen e hapave drejt uljes së tensioneve.
Ndërkohë propozimi i fundit vjen nga Franca dhe Gjermania për mbajtjen e zgjedhjeve të reja në veri të Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
