Një ish-ushtarak i regjimentit Ghurka të ushtrisë britanike ka hyrë në librin e rekordeve pasi arriti të ngjitej në majën më të lartë të botës pa këmbë.
Hari Budha Magar e kreu me sukses sfidën e vështirë të ngjitjes së Everestit ndonëse të dy këmbët i humbi nga gjuri e poshtë gjatë shërbimit të tij në Afganistan dhe në vend të tyre ka vendosur proteza.
43 vjeçari deklaroi për mediat se të gjithë duhet të ndjekin ëndrrat e tyre pavarësisht pamundësive të tyre.
Magar lindi në malet e Nepalit dhe më pas shërbeu për 15 vite në regjimentin Gurkha të ushtrisë britanike. Ai humbi këmbët nga shpërthimi i një bombe në Afganistan në vitin 2010.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
