Presidentja e Kosovës, Vjosa Osmani ka përmendur dy shkeljet e marrëveshjes së Brukselit dhe të Ohrit që Serbia ka bërë gjatë 24 orëve të fundit.
Në një shkrim në rrjetin social Twitter, ajo ka thënë se Serbia ka mbetur ajo e njëjta, duke shtuar se ka shkelur nenin 2 dhe nenin 4 të marrëveshjeve.
“1. Ndërhyrja e huaj në zgjedhjet Kosovë (në kundërshtim me nenin 2)
2. Lobimi dhe votimi kundër Kosovës aplikimit të KiE (në kundërshtim me nenin 4)
Marrëveshja e re, por e njëjta Serbi e vjetër”, ka shkruar Osmani.
Pas deklaratës së Osmanit reagoi menjëherë Drejtori i Zyrës për Kosovën në Qeverinë e Serbisë, Petar Petkoviç. Ai ka përmendur Asociacionin që sipas tij, është gjëja që Kosova po shkel.
“Kur Osmani përmend shkeljet e Marrëveshjes së Brukselit, me siguri e ka fjalën për Bashkimin e Komunave Serbe. Obligimet e Prishtinës në raport me Asociacionin gjenden në gjashtë pikat e para të Marrëveshjes së Brukselit dhe deri më sot, 10 vjet më vonë, rezultati është zero.” – ka shkruar Petkoviç në Twitter.
When @VjosaOsmaniPRKS mentions violations of the Brussels Agreement, she probably refers to Community of Serb Municipalities in K&M. Obligations of PR in that regard were described in the first 6 paragraphs of the agreement and to this day, 10 years later, the result is ZERO. 1/2 https://t.co/V4iWzcJ8XA
— Петар Петковић (@PetkovicPetar) April 24, 2023
Ai e ka quajtur absurd reagimin e Osmanit teksa ka thënë se edhe zgjedhjet komunale për katër komunat në veri, ishin absurde.
Blerim Vela, shef i kabinetit të Osmanit i numëroi gjithashtu kryenegociatorit serb, shkeljet që Serbia u ka bërë marrëveshjeve të Brukselit.
“Petre, mos leh! Dje Serbia ka shkelur nenin 4 të marrëveshjes së Brukselit që përcakton qartë: ‘Serbia nuk do të kundërshtojë anëtarësimin e Kosovës në asnjë organizatë ndërkombëtare’. Vota juaj kundër aplikimit të Kosovës në Këshillin e Evropës duhet të penalizohet!”, ka shkruar Vela në Twitter.
Petre, stop barking!
— Blerim Vela (@Blerim_Vela) April 25, 2023
Yesterday, Serbia violated article 4 of the Brussels agreement that clearly stipulates:
“Serbia will not object to Kosovo’s membership in any international organisation.”
Your vote against Kosovo’s application at Council of Europe should be penalized!
1/2 https://t.co/MYXMoZ40mj
Ai është shprehur se kur bëhet fjalë për marrëveshjet e mëparshme të Brukselit, lista e shkeljeve të Serbisë është shumë e gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
