Serbia e pavarur nuk fiton, shqiptarët marrin 4 komunat në Veri të Kosovës. Për herë të parë, 4 komunat me shumicë serbe do të drejtohen nga shqiptarët. E vetmja kandidate serbe, Sllagjana Pantiç nuk ka arritur të fitojë komunën e Zveçanit.
Sipas të dhënave paraprake në zgjedhje kanë marrë pjesë më pak se 4 për qind e votuesve nga 45 mijë që ishin gjithsej.
Sipas burimeve paraprake, partia e kryeministrit Albin Kurti, Vetëvendosja ka fituar 2 komunat: Mitrovicën e Veriut dhe Leposaviçin.
Deputeti Armend Muja, ka deklaruar se kandidati i VV-së në Mitrovicë të Veriut, Erden Atiç, ka marrë mbi 65 për qind të votave.
Sipas tij, në Leposaviç kandidati i VV-së, Lulzim Hetemi ka marrë mbi 70 për qind të votave. Ndërsa dy komunat e tjera Zubin Potoku dhe Zveçani janë fituar nga PDK.
Sipas burimeve të Koha, në Zubin-Potok, PDK-ja ka marrë 196 vota, ndërsa VV-ja 180 e në Zveçan 114 PDK-ja dhe 73 VV-ja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
