Kryetari i Kuvendit të Kosovës Glauk Konjufca, tha se Kosova nuk ka kurrfarë obligimi për formimin e Asociacionit pa u arritur njohja nga Serbia.
Konjufca duke iu përgjigjur kërkesës së të dërguarit të posaçëm amerikan për Ballkanin Perëndimor, Gabriel Escobar, se deri më 2 maj duhet të ketë një propozim nga Qeveria e Kosovës për Asociacionin, tha se mbetet të shihet se çfarë do të ndodhë në takim.
Sipas tij, Kosova nuk duhet të ndërmarrë asnjë veprim pa u realizuar njoha de facto.
“Kjo ka lidhje me këtë procesin negociator me të cilin Kosova tashmë është pjesë dhe krejt çka ka mbet është që pritet tash takimi i 2 majit që të sqarohet edhe kjo fazë në të cilën jemi.
Unë mendoj që në dy binarë është e ndërtuar marrëveshja, binari i parë është njohja de facto nga ana e Serbisë, ndërsa binari i dytë është Asociacioni, të cilin Kosova, qeveritë e mëparshme dhe një mazhorancë e mëparshme në vitin 2013 e ka pranuar. Kosova duhet me tregu që nuk ka kurrfarë obligimi dhe nuk duhet me bë asnjë pa u realizuar binari i parë, që është njoha de fakto”.
I dërguari i posaçëm amerikan për Ballkanin Perëndimor, Gabriel Escobar, tha se pret që të ketë një propozim nga Qeveria e Kosovës për Asociacionin e Komunave me Shumicë Serbe deri më 2 maj, kur udhëheqësit e Kosovës dhe Serbisë pritet të takohen në Bruksel.
“Shpresoj që deri më 2 maj të ketë një propozim konkret”, tha Escobari në një intervistë për shërbimin shqip të Zërit të Amerikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
