Nga Gazeta ‘SI’ – Pavarësisht se çështja e Asociacionit ndan Prishtinën dhe Beogradin, përfaqësuesi i Lartë i BE-së për Politikën e Jashtme, Josep Borrell shprehet optimist se në takimin e 27 shkurtit mes Aleksandër Vuçiç dhe Albin Kurtit do të ketë rezultate pozitive.
Këtë qëndrim Borrell për çështjen e dialogut e mbajti në seancën e Këshillit të Sigurimit të OKB-së, ku po flitet për bashkëpunimi BE – OKB.
“Po punoj në dialogun Beograd-Prishtinë të lehtësuar nga BE-ja, si koordinator i këtij dialogu, i mandatuar nga Kombet e Bashkuara për normalizimin e marrëdhënieve. Jemi në një moment kritik dhe besoj që në javët e ardhshme do të sjellim rezultate pozitive. Bashkimi Evropian u ka prezantuar një propozim palëve që do ta vendoste procesin e normalizimit në binarë, e të çojë në rrugë para. Të hënën e kemi një takim të nivelit të lartë me dy liderët të Beogradit dhe Prishtinës, presidentin e Serbisë dhe kryeministrin e Kosovës, për ta parë nëse ky angazhim është serioz e solid, e që prezanton një mënyrë të qartë normalizimin e marrëdhënieve për të dy ata”, tha Borrell.
Borrell është takuar të enjten me sekretarin e Përgjithshëm të Kombeve të Bashkuara, Antonio Guterres. Ai deklaroi se ndër të tjera kanë biseduar për normalizimin e marrëdhënieve mes Kosovës dhe Serbisë.
“Diskutuam Ukrainën, përpjekjet për të trajtuar ndryshimet klimatike, normalizimin e marrëdhënieve ndërmjet Serbisë dhe Kosovës”, ka shkruar ndër të tjera Borrell.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
