Bjeshkët e Çajës në Kukës të mbuluara nga dëbora kanë tërhequr vëmendjen e skiatorëve të huaj profesionistë. “Gjatë fundit të janarit dhe fillimit të muajit shkurt në Bjeshkët e Çajës kanë mbërritur rreth 100 skiatorë profesionistë nga Franca, Austria, Gjermania dhe Zvicra. Fundjavën që lamë pas një grup skiatorësh nga Zvicra, e krahasuan Çajën me Alpet e Zvicrës”, thotë Ardian Musaj, guidë lokale në Kukës.
Sipas tij, “skiatorët zviceranë i kishin treguar se kishin kërkuar në Google dhe u kishte pëlqyer shumë Çaja, si një vend i përshtatshëm për ski dhe i paprekur nga dora e njeriut”.
Gjatë stinës së dimrit Bjeshkët e Çajës janë shumë të përshtatshme për zhvillimin e sportit të skive. Në Bjeshkët e Çajës të Kukësit ndodhet edhe shtegu i ngjyrave, i cili në çdo stinë, por sidomos në pranverë tërheq një numër të lartë turistësh vendas e të huaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
