Gazeta Si – Nedim Bajrami ishte një nga kuqezinjtë që në merkaton e dimrit ndërruan skuadër. Ai kaloi nga Empoli te Sasuolo dhe këtë e quan një hap të rëndësishëm për karrierën e tij.
Nëpërmjet sitit zyrtar të Sasuolos, fantazisti shqiptar është prezantuar me tifozët e rinj, të cilët presin që ai ta zëvendësojë në mënyrën më të mirë Traoré. “Jam shumë i kënaqur për kalimin te Sasuolo. Kam gjetur këtu ish-shokun e skuadrës Pinamonti dhe ambienti më pëlqen shumë.
Kur mësova se kishte interes Sasuolo, isha shumë i kënaqur. Për mua është zgjedhja e duhur. Objektivi im është të ndihmoj skuadrën dhe sa më shpejt të zbres në fushë. Një përshëndetje për të gjithë tifozët e Sasuolos”, – ka thënë Bajrami.
Lojtari i ri i Sasuolos pritet të jetë një element i rëndësishëm edh për formacionin e trajnerit Silvinjo në Kombëtare. Kuqezinjtë kanë nevojë për lojën, pasimet dhe asistet e Bajramit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
