.png)
Banka Qendrore Europiane është gati të rrisë sërish normat e interesit me 0.5%.
Një rritje e dytë radhazi të enjten(2 shkurt) parashikohet gjerësisht nga ekonomistët dhe tregjet, pasi u përmend në mënyrë të përsëritur nga zyrtarët.
Politikëbërësit do të zbulojnë vendimin e tyre më pak se një ditë pasi Rezerva Federale lehtësoi ritmin e rritjes së normës së saj në 0.25% dhe në një sfond të rënies së çmimeve europiane të energjisë falë një dimri të butë.
BQE do të bëjë njoftimin e saj në orën 14:15 në Frankfurt. Presidentja Christine Lagarde, e cila është zotuar se ajo dhe kolegët e saj do të mposhtin inflacionin, do të dalë në konferencë gjysmë ore më vonë.
Normat e interesit
Kur ngriti normat e interesit me 0.5% në 2% në dhjetor, BQE tha se kostot e huamarrjes “do të duhet të rriten ndjeshëm me një ritëm të qëndrueshëm”.
Kjo gjuhë, pjesë e “një pazari” me zyrtarët që fillimisht kërkuan një rritje me 0.25%, i shtyu bastet për kulmin e ciklit të shtrëngimit monetar më të lartë.
Anëtarët e Këshillit Drejtues duke përfshirë presidentin e Bundesbank Joachim Nagel dhe Francois Villeroy de Galhau i Francës sinjalizuan më vonë mbështetje për dy lëvizje të tjera me 0.5% duke filluar nga kjo javë.
Por me të tjerët që kërkojnë një qasje më graduale, në qendër të vëmendjes tani është formulimi i deklaratës së BQE-së dhe vërejtjet e Lagarde, të cilat do të shqyrtohen me kujdes për të dhëna se çfarë ka të ngjarë të ndodhë muajin e ardhshëm.
Mund të jetë e tepërt të priten indikacione sesi Këshilli Drejtues do t’i qaset mbledhjes së ardhshme, në maj, pasi ndërkohë priten edhe tre lexime të tjera mujore të inflacionit, si dhe parashikimet ekonomike tremujore të marsit.
Çfarë thotë Bloomberg:
“Inflacioni do të jetë më i ulët këtë vit dhe një rënie e ndjeshme e dimrit tani ka gjasa të shmanget. Ajo që do të mësojmë nga takimi i politikave të shkurtit është se si Këshilli Drejtues synon t’i përgjigjet kësaj përzierje lajmesh.”
Ekonomistët e anketuar nga Bloomberg parashikojnë muajin e ardhshëm një rritje tjetër prej 0.5%.
Perspektiva Ekonomike
Eurozona, e cila u rrit në 20 anëtarë muajin e kaluar kur Kroacia u bashkua, ia ka dalë më mirë se sa pritej në mes të krizës energjetike të shkaktuar nga pushtimi rus i Ukrainës.
Ndoshta shmangia e një recesioni të cekët dhe besimi për muajt në vazhdim që po rritet, mund të nxisë thirrjet për të zgjatur sulmin e BQE-së ndaj inflacionit.
Perspektiva, ndonëse më e mirë, mbetet e turbullt, me kërkesën ende të rënduar nga kostoja më e lartë e jetesës.
Mund të shfaqet më shpejt në inflacionin total, megjithëse Lagarde ka të ngjarë të përsërisë fokusin e BQE-së në masën bazë të presioneve të çmimeve, e cila u mbajt në nivelin më të lartë historik prej 5.2% në janar.
Zyrtarët kanë sinjalizuar gjithashtu shqetësim për rritjen e pagave – diçka që mund ta mbajë inflacionin të lartë për më gjatë.
Burimi: Bloomberg/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
