Gazeta Si – Niveli i kampionatit shqiptar ka rënë ndjeshëm vitin e fundit. IFFHS (Instituti ndërkombëtar i Historisë dhe Statistikave në futboll) ka publikuar renditjen e vitit 2022, ku futbolli ynë ka humbur 10 vende.
Superiorja mbante vendin e 56-të në renditjen e vitit 2021, kurse pas përfundimit të 2022-shit mban vendin e 66-të në këtë renditje, ku ka të bëjë shumë ecuria e skuadrave në kompeticionet ndërkombëtare. Dhe pikërisht në këtë drejtim Kosova ka bërë më mirë se Shqipëria.
Ballkani i drejtuar nga trajneri Ilir Daja është kualifikuar në fazën e grupeve të Ligës së Konferencës dhe për më tepër ka bërë një paraqitje shumë të mirë. Kjo ka bërë që Kosova të ngjitë jo pak, por 19 vende në renditjen e kampionateve, duke kaluar nga vendi i 75-të në të 56-in.
Për përcaktimin e renditjes merren për bazë rezultatet e skuadrave të një kampionati nga 1 janari deri më 31 dhjetor të çdo viti, por më së shumti ndikon ecuria në nivel ndërkombëtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
