.png)
Kuvendi vendosi këtë të premte përjashtimin me 10 ditë nga komisionet dhe seanca plenare e Kuvendit, Sali Berishën dhe katër deputetë të tjerë të PD, Flamur Noka, Belind Këlliçi, Edmond Spaho dhe Edi Paloka.
Deputetët socialistë që kërkuan përjashtimin janë: Ismet Beqiraj, Petro Koçi, Denis Deliu, Arben Pëllumbi, Ermonela Felaj, Momi Kodheli dhe Gerta Duraku.
Të enjten një pjesë e deputetëve të PD-së drejtuar nga Berisha bllokuan foltoren dhe projektligjet e rendit të ditës u miratuan në një situatë të pazakonte vetëm me kartonat e PS ku shumëkush nuk kuptoi asgjë.
Gjatë seancës, Lindita Nikolla paralajmëroi përjashtimin e Berishës, ndërsa paralelisht grupi i PD-së ka depozituar një kërkesë për shkarkimin e kryetares së Kuvendit.
Seanca dështoi pasi opozita kërkoi që kryeministri Edi Rama të ishte i pranishëm për të sqaruar lidhjet e tij me ish zyrtarin e arrestuar të FBI-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
