Gazeta Si – Tirana e shfrytëzoi më së miri hapin e gabuar të Partizanit rival. Skuadra e Orges Shehit fitoi 0-2 në Durrës ndaj Erzenit dhe pas javës së 18-të të Superiores e sheh veten 4 pikë të shkëputur në krye të klasifikimit. Një diferencë që u jep qetësinë e nevojshme bardhebluve.
Florent Hasani ishte njeriu i ndeshjes. Sulmuesi i Tiranës shënoi të dy golat në minutat e fundit, fillimisht me një penallti të akorduar nga VAR-i për një prekje të topit me dorë në zonë nga mbrojtësit shijakas.
Në kohën shtesë sulmuesi finalizoi një aksion me protagonist Ismailgecin nga e djathta. Hasani duket se ka marrë stafetën e goleadorit nga Xhixha, që ka kaluar në Azerbajxhan.
Në këtë ndeshje debutuan me fanellën e Tiranës Regi Lushkja dhe Kristal Abazaj, dy nga blerjet e mëdha të merkatos së dimrit. Tirana, me gjendjen aktuale, është kandidate potenciale për titullin kampion. Rivalët e saj, Partizani dhe Vllaznia, duket se kanë probleme, pasi që të dy humbën sot.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
