Gazeta Si – Kristjan Asllani do të zbresë në fushë nga minuta e parë në ndeshjen e kampionatit me Kremonezen, që Interi do ta luajë të shtunën. Trajneri Simone Inzagi është i detyruar të aktivizojë mesfushorin shqiptar këtë herë.
Brozoviç nuk është ende gati, kurse Barela është i skualifikuar për shkak kartonësh. Në këto kushte, një nga tre mesfushorët në formacionin e Interit do të jetë Asllani. Bashkë me të do të luajnë titullarë Mkhitarian dhe Çalhanoglu.
Interi vjen në këtë transfertë pas humbjes befasuese me Empolin në ‘San Siro’, ndaj dhe duhet patjetër të bëjë kthesën. Asllani ka një mundësi shumë të mirë për të treguar vlerat dhe për të rritur kreditet për më shumë minuta në ndeshjet në vazhdim.
Deri tani lojtari i Kombëtares është aktivizuar pak nga trajneri Inzagi, edhe pse për aq sa ka qenë në fushë ai ka marrë vlerësime nga shtypi sportiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
