Gazeta Si – Ai i Brazilit është një stol prestigji dhe emra për pasuesin e Tites janë pëmrendur shumë. Mes tyre edhe emra të mëdhenj, si Pep Guardiola, Zhoze Mourinjo dhe Luis Enrike. Nga Felipao Skolari, ish-trajner i Brazilit, vjen një shuplakë për njërin prej tyre.
Në Brazil ka ende një pikëpyetje për trajnerin e ri të kombëtares, pas dështimit në Katar. Diskutimet janë të shumta dhe së fundi për këtë temë ka folur edhe Skolari, i cili është kundër Luis Enrikes dhe pro Mourinjos.
“Çfarë ka fituar Luis Enrike? Duhet të kesh rezultate. Është i zoti, por ka humbur gjithçka që mund të humbiste. Mourinjo ka fituar gjithçka”, – ka thënë Skolari, që duket se i referohet kohës si trajner i Spanjës, sepse ‘Lucho’ në 2015-ën fitoi tripletën në krye të Barcelonës.
Në këtë pikë nuk vlen krahasimi me Zhoze Mourinjon. Sepse edhe portugezi kupa dhe kampionate ka fituar shumë, por ende nuk është vënë në provë në krye të një ekipi kombëtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
