12 vite nga 21 janari i 2011, kur u vranë në Bulevardin ‘Dëshmorët e Kombit’ 4 protestues, u ndoq i njëjti ritual. Kryeministri Edi Rama i shoqëruar nga familjare të viktimave dhe një pjesë e kabinetit qeveritar zhvilloi homazhe në Bulevard për t’iu drejtuar më pas kryeministrisë.
Dy vite më parë, kryeministri Rama i shpalli "Dëshmorë të Atdheut" 4 protestuesit që u vranë në bulevardin "Dëshmorët e Kombit".
4 viktimat Aleks Nika, Ziver Veizi, Hekuran Deda dhe Faik Myrtaj u nderuan përmes një ceremonie të posaçme me argumentin e qeverise se ata ndikuan në ndryshimin e marrëdhënies së qeverisë në raport me protestën dhe transformimin e sistemit të drejtësisë.
Aktualisht ka vetëm një çështje në Prokurorinë e Tiranës dhe është ajo e vrasjes së Aleks Nikës. Predha që e la atë të vdekur është dërguar për ekzaminim në Itali.
Vrasja e tij mbetet ende pa autor pasi drejtësia shqiptare s’ka mundur të faktojë se nga cila armë është qëlluar duke i marre jetën.
Hetimi i parë per protesten e 21 janarit çoi si të pandehur Ndrea Prendin dhe Agim Llupon. Gjykata vlerësoi se vrasjet e Ziver Veizit, Faik Myrtajt dhe Hekuran Dedajt kanë ndodhur nga pakujdesia dhe dënoi ish-komandantin e Gardës, Ndrea Prendi me një vit burg, si dhe gardistin Agim Llupo me 3 vite.
E gjitha nisi pas skandalit e publikimit te videos Meta-Prifti.
PS organizoi me pas nje protestë duke e konsideruar permbajtjen e asaj bisede akt korruptiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.