Një person që do të fluturonte nga Sidnei në Fixhi është tronditur kur ka zbuluar se ishte i vetmi pasagjer në fluturimin “fantazmë”.
Robbie Allen zbuloi detaje nga fluturimi i tij i veçantë. Ai tregoi se ishte i vetmi pasagjer në fluturimin që e quajti “fantazmë”.
“Kapiteni erdhi dhe u ul pranë mejë dhe foli me mua. Stafi më dha gjithçka që doja. Unë e kisha të gjithë avionin për vete. Ishte një dhuratë për ditëlindjen time. Unë jam një VIP”, tha me shaka Allen.
Ai publikoi edhe foto nga avioni, aty ku duket i vetëm. Në një tjetër foto, ai ka treguar ushqimet e përgatitura enkas për të, madje edhe një gotë vere. “Ishte një përvojë kaq e çuditshme. Diçka që nuk do ta harroj kurrë”, ka rrëfyer Allen.
Në disa raste, kompanitë ajrore kryejnë fluturime “fantazmë”, pa pasagjerë për të përmbushur kontratën që parashikon një numër të kufizuar fluturimesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
