Gazeta Si – Festën e madhe të Interit për Superkupën e Italisë të fituar në derbin me Milanin, e ka shijuar më shumë turku Hakan Çalhanoglu. Ai e ka përjetuar si një hakmarrje ndaj ish-skuadrës.
“Është një fitore shumë e rëndësishme, për mua akoma më shumë. Jam shumë i kënaqur dhe falë shokëve të mi dhe tifozëve kam arritur këtu. Kemi fituar 3-0 dhe nuk duhet të themi më shumë.
Hakmarrje pas festës së titullit nga Milani? Unë preferoj të mos flas, por ishte e rëndë për mua të shihja disa gjëra që nuk i prisja. Por karma kthehet”, – ka thënë Çalhanoglu.
“Ishim të uritur, ata duhet të na respektojnë, – ka thënë më tej turku për mikrofonët e ‘Mediaset’. – Përfundoi 3-0 dhe i dërguam në shtëpi shpejt, i kafshuam. Një fitore shtysë për kampionatin? Ne besojmë deri në fund, e kemi nisur mirë vitin me fitoren me Napolin. Ne besojmë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
