Gazeta Si – Aks i nxehtë merkatoje mes Barcelonës dhe Interit. Pas zërave për një shkëmbim të mundshëm mes Marselo Brozoviç dhe Frenk Kesi, një tjetër tratativë shkëmbimi po diskutohet mes këtyre dy klubeve.
Nga Spanja gazetari Gerard Romero flet për diskutime të avancuara për të çuar Memfis Depain në Milano, kurse Joakuin Korrea është i destinuar të veshë fanellën e Barcelonës. Holandezi është në fund kontrate, ndërsa argjentinasi është nën kontratë deri në 2025-ën me zikaltrit.
Dy klubet duket se kanë gjetur formulën dhe për të vulosur akordin duhet vetëm ‘ok’-i i Depait. Holandezi është jashtë projektit të Ksavit dhe prej 6 muajsh është me valixhe në duar.
Që në verë u kërkua një skuadër tjetër për sulmuesin, ku ai mund të luante sistematikisht. Juventusi e vlerësoi këtë lëvizje, por në fund u tërhoq për shkak të kërkesave të larta ekonomike të Barcelonës dhe lojtarit. Tani, pas 6 muajsh, Memfis mund të zbarkojë në Serinë A me fanellën e Interit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
