Gazeta Si – Gereth Bejl i jap lamtumirën futbollit të luajtur. Futbollisti uellsian ka dhënë lajmin e tërheqjes nëpërmjet rrjeteve sociale. Një vendim i papritur, që vjen një vit pas transferimit në SHBA, ku fitoi titullin me Los Anxheles. Ish-lojtari i Totenhemit dhe Real Madridit var ‘këpucët në gozhdë’.
“Pasi e kam vlerësuar mirë situatën, njoftoj tërheqjen time nga kombëtarja dhe nga futbolli i luajtur, – shkruan Bejl në profilin e tij në Instagram. – Ndihem me fat, sepse kam praktikuar sportin që dua. Falë futbollit, kam përjetuar momentet më të bukura në jetë.
Nga prekja e parë e topit me Southempton e deri tek e fundit në Shtetet e Bashkuara të Amerikës, jam i lumtur për gjithçka që më ka ndodhur gjatë rrugëtimit në nivel klubesh. Të luaja 111 ndeshje me Uellsin të të isha kapiten i tij, ishte një ëndërr e realizuar”.
Pas debutimit në moshën 16-vjeçare në Championship, Bejl u bë një ‘top player’ te Totenhemi. Reali e bleu për ta aktivizuar përkrah Kristiano Ronaldos, duke paguar gati 100 milionë euro. Me Realin ai fitoi 5 Liga Kampionësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
