Gazeta Si – ‘Autostrada del Sole’ në kaos mes Monte San Savino dhe Arecos, për shkak të përleshjeve të dhunshme mes tifozërive të Romës dhe Napolit. Ngjarja ka ndodhur në zonën e shërbimit në Pino, ku më 11 nëntor 2007 humbi jetën tifozi i Lacios, Gabriele Sandri.
Për disa orë është mbyllur korsia veriore e A1, duke shkaktuar pasoja të rënda në trafik. Ultrasit e Napolit po i drejtoheshin Xhenoas për sfidën ndaj Sampdorias, kurse tifozët e Romës po udhëtonin për në Milano.
Në vendngjarje mbërritën menjëherë parullat e policisë rugore. Nga përleshjet mbeti i plagosur nga një mjet prerës një tifoz romanist, që u mjekua në spitalin e Arecos.
Sipas Kuesturës së Arecos, sulmi nisi nga një grup ultrasish të Napolit ndaj atyre të Romës. Më pas filloi nga të dyja palët hedhja e gurëve dhe lëndëve plasëse. Policia, për të shmangur situata më të rrezikshme, bllokoi trafikun në autostradë, duke bërë që të krijohet një radhë prej 13 kilometrash. Rruga u lirua pas disa orësh.
08.01.2023🇮🇹 ultras Napoli vs ultras Roma https://t.co/Fjy3xrmcco pic.twitter.com/ZMJi60kFfg
— Hooligans.cz Official (@hooliganscz1999) January 8, 2023
“Këta nuk janë tifozë. Autostrada e mbyllur dhe udhëtarët të bllokuar? Të paguajnë dëmet nga xhepi i tyre dhe të mos lejohen më në stadium”. Ky ishte komenti i sekretarit të Ligës, Mateo Salvini, në lidhje me atë që ndodhi sot. Kryebashkiakët e Romës dhe Napolit kanë bërë thirrje për ruajtjen e qetësisë, duke theksuar se janë dy qytete mike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
