Gazeta Si – Një gabim nga ata që klasifikohen si gafa të rënda në futboll. Për fatin e tij të mirë jo vendimtar për Mançester Junajtid. Po flasim për atë që ndodhi në ‘FA Cup’ me portierin David De Gea, protagonist i pafat në ndeshjen me Evertonin.
Rezultati 3-1 është fryt edhe i gabimit të portierit të ‘Djajve të kuq’, që i dhuroi kundërshtarit golin e barazimit të përkohshëm, 1-1. I befasuar nga një gjuajtje-kros, De Gea u gjend me topin në mes të këmbëve. Nuk mundi ta kontrollonte, duke bërë që Koadi të shënonte me lehtësi.
This is part of the De Gea package. Just that!pic.twitter.com/TaaybZ21PC
— George Addo Jnr (@addojunr) January 6, 2023
Në pjesën e dytë Mançester Junajtid shënoi edhe dy herë të tjera dhe arriti ta fitonte ndeshjen. Në pushim nuk munguan komentet në lidhje me episodin e De Geas, ku veçohen fjalët e ish-kapitenit Roi Kin për ITV:
“Bah, nuk duhet të ndodhë kurrë diçka e tillë. Sinqerisht, u duk sikur kishte pirë ndonjë gotë më parë. Vërtet. Dukej sikur një lojtar kishte zënë vendin e portierit dhe nuk dinte si të ndërhynte. Nga një portier me eksperiencën e tij, nuk e prisja kurrë atë që pashë”.
El gol que se comió David de Gea. No me lo explico. EL BLOOPER DEL AÑO.
— Raúl Muñoz (@RaulMunozMEX) January 6, 2023
pic.twitter.com/QMx8DLGRyJ
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
