Gazeta Si – Nuk do të ketë ‘ndeshje’ në zgjedhjet e ardhshme për presidencën e UEFA-s. Organi që drejton futbollin europian ka bërë me dije deri më 5 janar, kur skadonte afati, ka marrë vetëm një kandidaturë për zgjedhjet e 5 prillit 2023, atë të presidentit aktual Aleksander Ceferin.
Slloveni do të rikonfirmohet kështu në krye të këtij institucioni edhe për 4 vitet e ardhshme. Ai do të rizgjidhet në kongresin e 47-të të UEFA-s, që do të zhvillohet më 5 prill 2023 në Lisbonë.
President i UEFA-s që prej vitit 2016, Ceferin do të jetë në detyrë deri në 2027-ën, duke bërë 11 vjet dhe duke kaluar për jetëgjatësi Artemio Frankin dhe gjermanin Uiederkehr. Slloveni do të zinte vendin e dytë për vitet në krye të UEFA-s, pas suedezit Lenart Johanson, i cili e drejtoi institucionin për 17 vjet, nga 1990-a deri në 2007-ën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
