Gazeta Si – Një pritje triumfuese për Lionel Mesin në ekip pas kthimit te PSG si kampion bote me Argjentinën. Shokët dhe pjesëtarët e stafit teknik i kanë rezervuar një pasarelë nderi, ndërsa Luis Kampos, një nga drejtuesit e klubit, e ka nderuar mes duartrokitjesh me një trofe me yll.
Shtatë herë fituesi i ‘Topit të Artë” la të hënën qytetin e lindjes, Rosario, dhe u kthye në Francë. Pas festimeve të mëdha për titullin botëror, Mesi përfitoi disa ditë pushimi më shumë me familjen, para se të bashkohej me PSG-në.
Kilian Mbape, kundërshtari i tij në finalen e Botërorit, ashtu si dhe marokeni Hakimi, ishin bashkuar me skuadrën në stërvitje që më 21 dhjetor, ndërsa tani po shijojnë pushimet në SHBA.
Nuk është e mundur që Mesi të jetë në dispozicion të stafit teknik për ndeshjen e së premtes në Kupën e Francës ndaj Valensien. Rikthimi i tij në fushë është parashikuar për më 11 janar, në ndeshjen e kampionatit kundër Anxhers.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
