Të gjitha barrikadat në veri të Kosovës janë hequr, përveç dy kamionëve që po qëndronin afër lokacionit të njohur si “Kërrshi i Dudës”, në veri të Mitrovicës, të cilët u dogjën natën e së mërkurës dhe së enjtes.
Heqja e barrikadave ka filluar dje, pasi përfaqësuesit e serbëve kanë biseduar me presidentin e Serbisë, Aleksandar Vuçiç, i cili u ka thënë se kanë marrë garanci të forta se ata që ngritën barrikadat nuk do të arrestohen dhe se FSK-ja nuk mund të shkojë në veri pa lejen e KFOR-it.
Për heqjen e barrikadave sot ka raportuar portali në gjuhën serbe “Kosovo-online”.
Ndërkohë, dy pikat kufitare në Jarinjë dhe Bërnjak vazhdojnë të jenë të mbyllura, sipas Qendrës Kombëtare për Menaxhim Kufitar. (Zeri)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
