Gazeta Si – FIFA ka konfirmuar Heba Sadia si një nga arbitret anësore të Kupës së Botës për femra, që zhvillohet në periudhën korrik-gusht të 2023-shit, në Australi dhe Zelandën e Re.
Erë ndryshimi. Për herë të parë në histori Palestina do të përfaqësohet me një arbitre femër në një kompeticion madhor ndërkombëtar në futboll. Agjencia zyrtare e informacionit dhe lajmeve palestineze ka njoftuar se Sadia është një nga të përzgjedhurat për të gjykuar me flamurin e saj në Botërorin e femrave.
Heba Saadia, une arbitre #palestinienne, a été sélectionnée par la #FIFA pour arbitrer les matchs de la #CoupeduMonde féminine 2023 !⚽️
— Humani_Terre (@HTerre_ONG) December 28, 2022
Un réel espoir, non seulement pour le peuple #palestinien ,mais aussi pour les #femmes , encore peu présentes dans le monde du #football 🇵🇸♀️ pic.twitter.com/Qvm95Z3EPM
Asistentja ka debutuar në një turne ndërkombëtar këtë vit, në Kupën e Azisë për femra që u zhvillua në Indi. Po ashtu, ishte e pranishme dhe në Kupën AFC kontinentale që u zhvillua në Vietnam. Ka marrë pjesë gjithashtu edhe në turneun e mushkujve U-23 në Toulón.
Heba ka qenë gjithmonë e interesuar për sportin dhe është autorizuar më shumë se 5 vjet më parë për të qenë pjesë e komitetit arbitral femëror të Federatës së Palestinës, duke u bërë kështu një model. Ajo ka hapur rrugën për femra të tjera që duan të ecin në gjurmët e saj.
Historia e futbollit në Palestinë është mjaft delikate. Për shumë vjet forcat izraelite e kanë limituar ndjeshëm aktivitetin sportiv në këtë vend, duke dëmtuar impiantet sportive. Caktimi i Heba Sadia për Kupën e Botës së femrave do të thotë një hap i madh përpara për sportin palestinez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
