Gazeta Si - Një pallat i dëmtuar nga tërmeti i 26 nëntorit 2019 në rrugën "Mylsym Keta" në njësinë 4 në kryeqytet, ka nisur të prishet këtë të hënë pas vendimit të Gjykatës së Tiranës.
Kjo e fundit rrëzon kështu kërkesën e Partisë Demokratike, duke i dhënë të drejtë Bashkisë së Tiranës për prishjen e pallatit.
Para disa ditësh, Instituti i Ndërtimit e kishte shpallur të rrezikshëm pallatin dhe se duhej shembur.
Bashkia e Tiranës ka dhënë zgjidhjen, duke strehuar familjet në pallatet e reja të ndërtuara në lagjen “5 Maji”. 30 familje e kanë pranuar këtë zgjidhje dhe jetojnë tashmë në shtëpitë e reja.
Prishja e Pallatit ka nisur gjatë paradites së sotme, ku fadromat kanë nisur nga puna, ndërsa Policia Bashkiake dhe Policia e Shtetit ka vendosur perimetrin e sigurisë.
Një ekspertizë e thelluar nxori në pah se nuk sugjerohet riparimi i këtij objekti, pasi dhe kostot do të ishin më të larta se ndërtimi nga e para.
Disa prej banorëve nuk kanë pranuar të largohen, por pas tre ditësh mësymje nga policia, të dielën një pjesë e tyre iu bindën vendimit, edhe pse thonë se kanë ende paqartësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.