.png)
Bursa europiane e aksioneve shënoi rënie me 2% mëngjesin e të enjtes, pasi banka Federale në SHBA tha se nuk do të lehtësojë ende normat e interesit.
Rënia me 2% shkaktoi humbje të mëdha në të gjitha sektorët dhe vetë bursa kaloi në territorin e të kuqes.
E njëjta gjë ndodhi edhe me tregjet në SHBA dhe Azi, pasi Fed sinjalizoi se normat do të vijojnë të jenë të larta edhe për vitin 2023.
Kreu i Rezervës Federale, Jerome Powell, tha se ndonëse inflacioni po ulet, nuk është ende momenti për të lehtësuar politikën monetare, sipas CNBC.
E enjtja e 15 dhjetorit është ditë e madhe për bankat qendrore në Europë pasi priten vendimet e Bankës së Anglisë, Zvicrës dhe Europiane. Dy të parat sapo kanë rritur me 0.5% normat e interesit. Banka e Anglisë po përballet me një ekonomi të ngadalësuar, inflacion të lartë dhe një treg jashtëzakonisht të ngushtë pune. Ndërsa ajo e Zvicrës kërkon të mos përhapë më tej presionet inflacioniste.
Vendimi i Bankës Qendrore Europiane nuk është marrë ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
