Gazeta Si – Ka përfunduar ende pa nisur Botërori për Karim Benzema, fituesin e ‘Topit të Artë’. Sulmuesi i Francës ka pësuar një dëmtim në stërvitje dhe sipas mediave franceze, e ka humbur Kupën e Botës.
Sulmuesi ka pësuar një dëmtim muskulor. Benzema bëri sot stërvitjen e parë me grupin që pas grumbullimit të Francës. Por zgjati pak dhe sulmuesit iu desh të linte fushën.
Trajneri Didier Deshamp tani duhet të vendosë për zëvendësuesin e lojtarit të Real Madrid. Ai ka kohë deri të hënën, një ditë para ndeshjes së parë me Australinë.
Mungesa e Benzemasë është një tjetër goditje e madhe për kampionët e botës. ‘Gjelat’ kanë humbur deri tani lojtarë të rëndësishëm, si Pol Pogba, N’Golo Kante, Majk Maignan, Presnel Kimpembe dhe së fundi edhe sulmuesin Kristofer Nkunku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
