Gazeta Si – Te Roma duhet të rregullojnë diçka në mbrojtje, sepse ekipi po pëson shumë gol. Dhe klubi po bën plane për merkaton e janarit, kur priten të bëhen afrime për prapavijën, pasi në dalje konsiderohen Karsdorp dhe Kumbulla.
Sipas ‘Gazzetta dello Sport’, Roma po kërkon mbrojtës të djathtë, sepse Karsdorp është i padëshiruar për trajnerin Mourinjo, por edhe mbrojtës qendre. Gazeta e njohur italiane shkruan se Kumbulla ka përfunduar tashmë shumë larg formacionit dhe në janar mund të shitet.
Ndoshta do të ishte pozitive edhe për vetë mbrojtësin kuqezi, i cili luajti titullar në miqësoren me Italinë. Kumbulla është një profesionist i përulur dhe ka nevojë për një aktivizim të rregullt për ta rritur nivelin e tij. Interesimi për të mund të jetë i madh, por lëvizja është e kushtëzuar nga ofertat konkrete që do të marrë Roma.
Në kohën e Mourinjos Kumbulla nuk ka pasur asnjëherë vlerësim, pavarësisht diplomacisë që ka përdorur trajneri portugez herë pas here. Futbollisti i Kombëtares ka nevojë për të ndërruar ambient.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
