Gazeta Si – Komiteti organizator i Botërorit të Katarit ka hedhur poshtë akuzat për tifozët falsë, pra tifozë të paguar për të mbështetur skuadrat. Akuzat lindën pas videove të emigrantëve indianë, të cilët bënin tifo për Anglinë.
Me anë të një komunikate zyrtare, organizatorët kanë sqaruar çështjen në fjalë. “Tifozët e gjithë botës, – shumë prej të cilëve e kanë bërë Katarin si shtëpinë e tyre, – kanë kontribuuar së fundi për atmosferën lokale.
Ata kanë organizuar shëtitje dhe sfilata dhe kanë mirëpritur skuadra të ndryshme kombëtare, që shkojnë në hotelet e tyre”, – shkruhet në komunikatë.
“Shumë gazetarë dhe komentatorë në rrjetet sociale ngrenë dyshimin, nëse bëhet fjalë për fansa ‘të vërtetë’. Hedhim poshtë kategorikisht këto dyshime, që janë shumë zhgënjyese, edhe pse jo befasuese”, – vazhdon komunikata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
