Gazeta Si – Interi ka reaguar menjëherë në kampionat pas humbjes me Juventusin. Skuadra e Inzagit ‘zbuti’ Bolonjën 6-1 në ndeshjen e vlefshme për javën e 14-të të Serisë A, duke u ngjitur momentalisht në vend të 4-t.
Goli rokambolesk i Likogianis trembi zikaltrit, të cilët arritën të përmbysnin gjithçka shumë shpejt. Vetëm pas 4 minutash Xheko barazoi shifrat, ndërsa Dimarko dhe Lautaro Martinez shënuan dy gola të tjerë që në pjesën e parë.
The man is 36 and a half, and still producing golazos.#SerieA #Inter #Internazionale #Dzeko https://t.co/HjZQZAHZJH
— AllTheSports (@WhatSports10) November 9, 2022
Në të dytën Dimarko shënoi sërish për Interin, duke regjistruar një dopietë në këtë ndeshje. Çalhanoglu me penallti dhe në fund Gosens thelluan fitoren e Interit në 6-1. Kristjan Asllani luajti çerek ore në fundin e ndeshjes, duke zënë vendin e Çalhanoglu.
Me këtë fitore zikaltrit kanë barazuar në kuotën e 27 pikëve Atalantën, që sot u mund nga Leçe 2-1. Po 27 pikë ka edhe Lacio, por me një ndeshje më pak. Roma sot barazoi 1-1 me Sasuolon në transfertë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
