Gazeta Si – Lacio fiton derbin e Romës dhe kap vendin e tretë në Serinë A, duke parakaluar skuadrën e Mourinjos. Në “Olimpico” vendosi një gol i brazilianit Felipe Anderson pas gjysmë ore lojë, falë një gafe të mbrojtësit Ibanjez.
Lojtari i Romës humbi topin në mënyrë krejt naive në zonën e tij, duke i dhënë mundësinë Andersonit të ndëshkonte Rui Patricion nga afër portës. Roma goditi traversën me anë të Xaniolos dhe ushtroi presion, sidomos në fund, por pa mundur të barazonte.
Mbrojtësi i Kombëtares, Elseid Hysaj u fut në fushë në pjesën e dytë dhe luajti më shumë se 20 minuta. Në anën tjetër, Marash Kumbulla qëndroi në stol te Roma gjatë gjithë derbit.
Ishte një fitore e çmuar për Lacios pas një jave të mbushur me polemika për kartonin që skualifikoi Milinkoviç-Saviç dhe deklaratën e Igli Tares në lidhje me Ligën e Konferencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
