Gazeta Si – Me një letër drejtuar presidentëve të 32 federatave që marrin pjesën në Katar 2022, të firmosur nga Xhani Infantino, FIFA kërkon që të evitohen polemikat e natyrës politike. Po ashtu, kërkohet që të mos ketë gjeste që u referohen tensioneve ndërkombëtare.
Përqendrohuni vetëm te futbolli! Ky është thelbi i letrës që FIFA ka dërguar për drejtuesit e federatave të vendeve që marrin pjesë në Botëror. Eventi nis më 20 nëntor me ndeshjen mes Katarit vendës dhe Ekuadorit.
Letra mban firmën e presidentit të FIFA-s Xhani Infantino dhe sekretares së përgjithshme Fatma Samoura. “Që futbollit të jetë në qendër të skenës” – është mesazhi i kësaj letre. E qartë kërkesa për të shmangur polemikat me karakter politik.
Orët e fundit edhe Jurgen Klop, trajner i Liverpulit, ka dhënë të njëjtin mesazh. Gjatë një ceremonie, ku ka marrë çmimin ‘Freedom of Liverpool’, trajneri gjerman ka theksuar: “Nuk më pëlqen fakti që tani presin që lojtarët të bëjnë diçka me karakter politik. Shkojnë në Katar për të luajtur futboll dhe është e drejtë të bëjnë vetëm këtë gjë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
